Прогрес на имплементација

Превземени чекори

• Центарот за иновации на Град Скопје – СкопјеЛаб беше основан од страна на УНДП и Град Скопје како прв центар за иновации во јавен сектор во склоп на јавна институција на Балканот. Скопје – Лаб даде значаен придонес во реформата на услугите на Град Скопје со примена на поинаков, иновативен и експериментален пристап во подобрување на услугите на Градот за полесно да се одговори на барањата на граѓаните. СкопјеЛаб веќе не е функционален.

Планирани чекори

• ревидирање на критериумите за добивање на градежни дозволи (поставување повисоки стандарди за греење и ладење, поставување на централни системи за греење и ладење во објекти над одредена катност, енергетска ефикасност, боја на фасада, кров и сл) и во таа насока одредување на висината на комуналиите/данокот за објектот. Пример: тековната цена за комуналии за нов објект да се плати ако се исполнети условите за 20% зеленило. Со следниве три мерки, таа сума може да се намали за вкупно 15%. Ако на парцелата е засадено некое од следните дрвја (липа, јасен, платан, јавор и бор) се намалува сумата за комуналии 5%, ако објектот има бел кров се намалува за уште 5% и ако има бела фасада за уште 5%. Ако на парцелата има помалку зеленило од предвидените 20% се плаќаат комуналии зголемени за 10%. Ако кровот е во друга боја уште 10% и ако фасадата е во друга боја уште 10% (вкупно плус 30 “казнени” проценти за комуналии). Сличен принцип може да се примени и понатаму на данокот за имот, со цел да се спречи да се намали зелената површина и потребните карактеристики;
• ревидирање на стандардите за улици, тротоари, паркинзи и сл. со цел да бидат површини кои рефлектираат топлина наместо да апсорбираат и се водо-пропустливи (бел асфалт наместо црн, боење на асфалтните површини со бела боја, садење на дрвја и сл.);
• вклучување на енергетската ефикасност во јавните набавки поврзани со системите за греење и ладење и објекти (дозволи за градење, даноци и сл.);
• воспоставување на стандарди за комбинирање на греење и ладење како најефикасен начин на потрошувачка на енергија;
• интеграција на локалните политики за подобрување на квалитетот на воздухот со другите политики (пр. со климатски промени и здравје);
• моделирање на квалитетот на воздух (сценарија за намалување на емисиите со планираните мерки) во соработка со научниот сектор.

Цел

најмалку една ревидирана процедура/услуга во Град Скопје и секоја од општините

Индикатори за следење на имплементацијата

• број на ревидирани процедури/услуги.

Одговорна институција за следење на имплементација

Град Скопје

Дополнителни придобивки

• поголема доверба на граѓаните во институциите.

Период на имплементација

Финансии

Буџет