Во интервју за централниот дневник, проф. Дејан Мираковски, ректор на Универзитетот „Гоце Делчев“ во Штип, зборува за квалитетот на воздухот во Македонија, загадувањето и можните решенија.

Професорот објаснува зошто онлајн рангирањата за „најзагадени градови во светот“ често се неточни, но и зошто Северна Македонија, сепак, се наоѓа меѓу најзагадените во Европа според концентрацијата на суспендираните честички. Тој посочува дека главните проблеми доаѓаат од користењето на нечисти горива за греење на домовите и на јавните/комерцијалните објекти, согорување на отпад на отворено, како и од транспортот во одредени периоди од годината.

Во интервјуто проф. Мираковски споделува податоци од истражувања спроведени во соработка со УНДП и Шведската амбасада, кои ги истакнуваат локалните извори на загадување во различни градови. Исто така, професорот ја истакна потребата од системски решенија – од замена на старите печки со модерни и ефикасни, до воведување централни системи за греење и зелени практики во урбаните средини.

„Решенијата мора да бидат системски, а однесувањето на секој од нас е подеднакво важно“, истакнува проф. Мираковски.

Целосното интервју можете да го погледнете во видеото на следниот линк.