Истражувањето на УНДП „Перцепцијата кај јавноста за климатските промени” покажа дека, 65% од македонските испитаници помлади од 25 години ги сметаат климатските промени за најсериозна закана за општеството и веруваат дека промените во однесувањето на индивидуално ниво се точката која може да донесе позитивен пресврт во контекстот на амбициозните климатски акции. 26,4% од македонските млади испитаници изразија интерес да преземат климатски акции, притоа признавајќи дека не знаат како тоа би можеле практично да го изведат.
Република Северна Македонија е во постапка на ревидирање на своите Национални придонеси за климатски промени (NDC – Nationally Determined Contributions). Овој процес отвори можност Министерството за животна средина и просторно планирање не само да го слушне гласот на младите во процесот на формулирање на целите поврзани со климата, туку, што е уште поважно, да се погрижи ова да не биде разговор што ќе се води само еднаш и никогаш повеќе. Платформата за консултации Младите за климата, која е направена во вид на игра, има за цел да помогне во поставувањето цврста подлога за долгорочна комуникација меѓу јавната администрација и младинските групи во Северна Македонија.
Разговорот со претставници на младинските групи во земјава овозможи да се истакнат три потреби кои се најважни за обезбедување квалитетно и ефектно ангажирање на младите во активностите поврзани со климата преку платформата, а тоа се:
- Воспоставување однос на доверба со помош на интерактивни алатки;
- Проширување на разговорот и вон „климатската тема”;
- Зајакнување на конструктивните активности што ги спроведуваат младите, а кои навидум немаат врска со климатската криза.
Климатскиот активизам воден од млади не е ниту некаква пречка, ниту маргинален феномен што ќе избледи порано или подоцна. Тој е сила, дух на времето во кое живееме и витален ресурс што треба систематски да се истражува како еден од клучните извори на трансформациски промени во нашите општества.
Прочитајте повеќе на следниот линк
