Појавата на електричните возила (ЕВ) отвора пат за почист воздух во урбаните подрачја ширум светот, а и во Македонија.

Просечната старост на возилата во Македонија е близу 20 години, додека оваа бројка во земјите од Европската Унија е 12 години. Старата технологија на возилата значи и поголемо загадување на воздухот. На почетокот мораме да напоменеме дека, според сите мерења во Македонија, возилата не се главниот фактор за загадениот воздух во земјава, но сепак имаат свој удел во целиот процес, особено во градовите.

За разлика од традиционалните автомобили на нафта, ЕВ не испуштаат издувни гасови, што значително ги намалува загадувачите на воздухот како азотните оксиди (NOx) и честичките (PM). Ова намалување е клучно во борбата против загадувањето на воздухот, кое е поврзано со респираторни и кардиоваскуларни заболувања.

Градови како Осло и Сан Франциско се предводници, покажувајќи како широкото прифаќање на ЕВ може да доведе до подобар квалитет на воздухот. Политиките што ги промовираат ЕВ, како субвенции, даночни олеснувања и проширување на инфраструктурата за полнење, го забрзуваат овој преод.

Како што сè повеќе потрошувачи и бизниси се префрлаат на електричен транспорт, целите за поздрав и почист воздух стануваат сè поостварливи.

Преминот кон електричните возила не само што ја поддржува одржливоста на животната средина, туку и го подобрува јавното здравје. Сепак, пред да се одлучите да набавите возило на електричен погон, треба да знаете неколку работи кои можат да ви помогнат во изборот.

Водич за купување и одржување на електрично возило

Електричните возила (ЕВ) стануваат сè попопуларни и во Македонија благодарение на тоа дека се добри за околината, но во исто време добри и за личниот буџет. Овој водич ќе ви помогне да разберете како да изберете и одржувате електрично возило.

Предности на електричните возила

1. Ниски оперативни трошоци: ЕВ се поевтини за одржување и имаат пониски трошоци за „гориво“ споредено со возилата на нафта или бензин.
2. Ниски емисии на CO₂: Со ЕВ се намалува емисијата на штетни гасови, што помага за зачувување на животната средина.
3. Пониски трошоци за одржување: ЕВ имаат помалку подвижни делови и не бараат редовно менување на масло, што ги прави поекономични за одржување.

Како да изберете електрично возило

1. Опсег и батерија: Проверете колку километри може да помине возилото со едно полнење. Новите ЕВ обично имаат опсег од 200 до 500 километри.
2. Време на полнење: Разгледајте колку време е потребно за целосно полнење на батеријата. Брзото полнење е важен фактор за секојдневна употреба.
3. Мрежа на полначи: Проверете ја достапноста на полначи во вашиот град. Веќе и во Македонија се поставуваат сѐ повеќе полначи за ЕВ. ЕВН има мапа за тоа во кои градови имаат поставено полначи. Ова е значајно да проверите пред да се одлучите за купување на вакво возило. Веќе и Гугл Мапс ги прикажува локациите на полначи за електрични возила. Повеќе полначи значат поголема флексибилност и удобност.
4. Цена и субвенции: Македонија сѐ уште нема субвенции за овие возила, но вакви мерки почнаа да се донесуваат во регионот. На пример, Србија веќе го започна процесот на субвенционирање за купување вакво возило.

Совети за одржување на електрично возило

1. Редовно полнење: Полнењето на батеријата редовно го продолжува нејзиниот животен век. Избегнувајте да ја оставате батеријата целосно празна.
2. Проверка на батеријата: Батериите на ЕВ имаат потреба од редовни проверки за да се осигурате дека функционираат правилно. Следете ги упатствата од производителот.
3. Течности и системи за ладење: Иако ЕВ немаат потреба од моторно масло, некои модели имаат системи за ладење кои треба редовно да се проверуваат и одржуваат.
4. Софтверски надградби: Производителите на ЕВ често издаваат софтверски надградби кои ги подобруваат перформансите и безбедноста на возилото. Осигурете се дека софтверот на вашето возило е ажуриран.
5. Планирање на патувањата: Користете апликации кои ги покажуваат локациите на полначите за да го планирате вашето патување.
6. Одговорно возење: Возете одговорно и избегнувајте брзи стартови и забрзувања за да ја зголемите ефикасноста на батеријата.
7. Гаражирање: Чувањето на возилото во гаража или на место под сенка помага да се одржи стабилна температура на батеријата.