Cist Vozduh

Анализата ги истакнува родово и социјално базираните ранливости и основи за разлики во справувањето со (не) квалитетот на амбиенталниот воздух во општините Струмица, Гостивар, Струга, Куманово и Кавадарци.

Преку преглед на законската и стратешка рамка за интерсекција на родот, ранливите категории граѓани и квалитетот на воздух, постојните планови за квалитет на воздух од аспект на род и ранливи категории граѓани како и општинските политики за родова еднаквост во контекст на квалитет на амбиентален воздух, во оваа анализа се даваат препораки за приоретизација на мерките за квалитет на воздух од аспект на род и ранливи категории граѓани.

Од анализата се гледа дека факторот социјална ранливост, поконкретно сиромаштија во корелација со родовата компонента, точно ги дефинира најранливите категории граѓани во поглед на квалитетот на амбиенталниот воздух.

Повеќе информации за вкрстената ранливост во однос на квалитетот на амбиенталниот воздух можете да видите тука.

Анализата е подготвена во рамките на проектот „Справување со загадувањето на воздухот“, кој го имплементира Програмата за развој на Обединетите нации (УНДП) во партнерство со Министерството за животна средина и просторно планирање и општините Гостивар, Кавадарци, Куманово, Струга и Струмица, со финансиска поддршка од Шведска.

Овој проект е дел од Програмската рамка на УНДП, финансирана од Шведска. Во рамки на Програмата исто така се спроведува и проектот „Градење на општинските капацитети за имплементација на проекти“.