Сумарните податоци за годишните концентрации на загадувачките материи во воздухот од инвентарот за емисии во Општина Струмица покажуваат дека секторот Резиденцијални извори има најголем удел во емисиите на PM2.5 со 92,07 % и значителен во емисиите на PM10 со 89,14 %. Сообраќајот има значителен удел во емисиите на NОx со 89,84 % и во емисиите на SОx со 90,30 %, додека секторот Земјоделие е одговорен за емисиите на NH3 со 87,57 % во вкупните емисии на NH3.

Анализата за определување на уделот на различните извори на загадување во концентрациите на суспендирани честички во Општина Струмица покажа дека греењето со огревно дрво, сообраќајот и согорувањето на нафта и мазут се трите најзастапени извори во емисиите на PM2.5 честиците.

Согласно со резултатите од инвентарот на емисии, анализата за определување на уделот на различните извори на загадување во концентрациите на суспендирани честички оценките на квалитетот на воздухот, се предлагаат мерки за подобрување на квалитетот на воздухот. Имено, дефиниран е збир од 21 мерка за намалување на емисиите и нивното влијание врз квалитетот на воздухот.

ПЛАН ЗА ПОДОБРУВАЊЕ НА КВАЛИТЕТОТ НА АМБИЕНТАЛНИОТ ВОЗДУХ ЗА ОПШТИНА СТРУМИЦА за период 2025 – 2029