Постоечките објекти во градот, пред се домаќинствата се греат на огревно дрво. Постоечките печки на огревно дрво кои се користат во Македонија имаат максимален коефициент на полезно дејство од 0,75. Покрај релативно нискиот коефициент на полезно дејство, овие печки создаваат висока концентрација на PM2,5 и PM10 честички. За секој согорен 1м3 огревно дрво се добиваат PM2,5 честици со количина 0,00499 [t/m3] и PM10 честици со количина 0,00512 [t/m3]. Согласно последниот попис од 2021 година, во општината регистрирани се 7677 домаќинства кои за греење користат огревно дрво. Повеќе од половина од граѓаните на Кавадарци (53%) како примарен енергенс за загревање на домот го користат огревното дрво. 7 од 10 жители на Кавадарци не сметаат дека
со начинот на кој го загреваат својот дом придонесуваат кон загадувањето на воздухот во околината во која живеат. 71% од интервјуирани граѓани на Кавадарци истакнале дека не се заинтересирани да го сменат актуелниот начин на загревање на нивниот дом. Вкрстените податоци ни покажуваат дека оние кои не би го менувале постојниот начин на загревање, почесто се греат на огревно дрво. Возрасна група 55+ со ниски примања не размислува за промена на начинот на греење. 30% од интервјуираните жители на Кавадарци не се информирани за постоењето на субвенционирана програма за енергетска ефикасност како помош за
домаќинствата од страна на општината. (УНДП, 2023). Мерката има двојна функција: намалување на внатрешно и надворешно загадување. Сиромашната популација на ниво на индивидуа и домаќинство се јавува и како најголем емитер а воедно и како најзагрозена категорија граѓани од внатрешно и надворешно загадување. Енергетската сиромаштија директно се таргетира преку оваа мерка како додадена вредност на истата.
Чекор 1
Решение на општината за висина на субвенција за оваа мерка. Висината на субвенцијата да зависи од категоријата ранливост. Поранливите домаќинства (со пониски примања) да имаат повисока субвенција.
Чекор 2
Дефинирање на параметри за избор на домаќинство (приходи, социјален статус, број на членови во домаќинство итн.). Воведување категорија ранливост во параметрите за дефинирање на домаќинства кои може да бидат корисници на овие субвенции – пример: самохрани родители, повеќечлени семејства со ниски приходи, едночлено семејство на возраст 55+ со ниски приходи, жртви на семејно насилство, итн.). Општинската комисија ќе ги одреди параметрите за дефинирање на ранливо
домаќинство согласно структурата на население во нејзината општина.
Чекор 3
Објавување на конкурс за субвенционирање и оформување на општинска комисија за избор. Зголемување на видливоста и транспарентноста на Конкурсот и обезбедена поддршка за ранливи категории граѓани за упатување за прибирање и подготовка на бараната документација за апликација.
Чекор 4 Анализа и избор на пријавени домаќинства согласно бараните параметри. Собирање полово поделени податоци на апликанти и добитници на субвенции.
Чекор 5 Индикатори за мерење: Aнкета на потрошувачка на енергија пред и после доделување на субвенција.
- број на домаќинства кои добиле субвенција;
- % на жени добитници на субвенција;
- % на лица над 55 години добитници на субвенции;
- % на социјално ранливи категории добитници на субвенција.